Өзбекстанда мешіттер іздеуге мүмкіндік беретін қосымша пайда болды

0

Өзбекстанда жақын аумақтағы мешіттерді іздеуге мүмкіндік беретін Masjid Finder Uzbekistan мобильді қосымшасы жұмыс істей бастады деп хабарлайды мемлекеттік туризм комитетіне сілтеме жасаған Podrobno.uz сайты. Қазіргі кезде қосымша сынақтан өтіп жатыр және онда Ташкент қаласы және Ташкент, Бұқара, Самарқанд облысындағы 721 мешіттің геодеректері бар.

Алдағы уақытта қосымшаға Өзбекстандағы барлық мешіт жайлы дерек қосылмақ. Бұған қоса, дәрет алу бөлмесі, мешіт жағдай туралы ақпарат беретін қосымша қызметтер де енгізілмек. Қазіргі кезде қосымшаны Android платформасында ғана қолдануға болады.

Azattyq