Оралда автобус дүкенді қиратып кетті
Оралда шағын автобус «Сандықтар» дүкеніне кіріп кетті.
«Peogeot» автокөлігінің жүргізушісі С.Даумов көшесімен келе жатып, рульге ие бола алмай, «Сандықтар» дүкеніне соғылған. Жол апаты салдарынан жүргізуші қалалық ауруханаға жеткізілді. Ол кейін әкімшілік жауапкершілікке тартылатын болады.Келтірілген шығын анықталу үстінде. Дүкен иесі Біржан Қожақовтың айтуынша, шағын автобус дүкендегі дайын тұрған өнімдерді, жұмыс жасайтын аппараттарды қиратып кеткен. Оған қоса бұлар келгенше белгісіз біреулер дүкенді тонап кеткен.
«Енді мұнда жұмыс жасау мүмкін емес. Қыс ішінде ғимарат табу қиын екен. Облыс әкіміне де кірсем бе деп отырмын», — деді өзі сияқты мүгедек жандарға жұмыс тауып беріп отырған Б.Қожақов.
Дереккөз: ҚазАқпарат
