Оқушы қызды жыныстық құлдықта ұстағандарға бірінші сот үкімі шықты

Қызылордада кәмелетке толмағандардың жыныстық құлдығы туралы іс бойынша алғашқы үкім шығарылды. №2 қалалық сот жабық отырыста бопсалау фактісі бойынша 21 жастағы жігітке қатысты қылмыстық істі қарады.

Сотта хабарлағандай, сотталушы арам мәліметтерді таратамын деп қорқытып, оқушыдан 700 000 теңге талап етіп, оның сөмкесінен 35 000 теңге алып кеткен.

«Сотталушының кінәсі психологиялық-психиатриялық сараптаманың қорытындысымен, оқиға орнын тексерумен, бетпе – бет ставка хаттамаларымен, жәбірленушінің тұрақты айғақтарымен расталды»,-деп хабарлады соттың баспасөз қызметі.

Сот соттылықтың жоқтығын және сотталушының жасын – 21 жасты жаза тағайындау кезінде жеңілдететін мән-жайлар деп таныды. Ол төрт жылға және алты айға бас бостандығынан айырылды.

Үкім заңды күшіне енген жоқ.