«Оқ жарақатынан да қатты ауырады»: Коронавирус жұқтырған әйел аурухадан қорқынышты видео жариялады — Қазақстан жаңалықтары

АҚШ-тың Галлатин қаласындағы оңалту орталығының медбикесі ауруханадан коронавирустың оның денсаулығына қалай әсер еткені туралы қорқынышты видео жариялады, деп хабарлайды Stan.kz ақпарат агенттігі.

Ол видеоны өзінің Facebook парақшасында жариялаған.

Шарека Уильямс COVID-19 пневмониясымен ауырып, оны оқ жарақатымен салыстырды. 

«Маған ешкім оқ атпаған, бірақ, байқауымша, бұл ауру оқтан да күшті. Мен адам төзгісіздей ауырып жатырмын», — деп жазды ол.

Медбике коронавирусқа байланысты тамақтану және қозғалу қиынға және соғатынын, ал әрбір тыныс алу оған ауырсыну сездіретінін атап өтті.

Уильямс сақтық шараларын сақтауға, оның ішінде қашықтықты сақтауға және вирустан қорғау құралдарын киюге шақырды. 

«Тым кеш болатын уақытты күтпеңіз. Бұл сізге, сіздің отбасыңызға немесе сіздің балаңызға жұққанын күтпеңіз», — деді Шарека Уильямс.