Оңтүстік Корея мен АҚШ әскери жаттығуларын бастады

Оңтүстік Корея мен АҚШ дүйсенбі күні Ulchi Freedom Shield (UFS) атты жаңа әскери жаттығуларын бастады. Олар төрт жылда алғаш рет далалық жаттығуларды қамтыды, — деп хабарлайды Renhap агенттігі.

Оқу-жаттығу 1 қыркүйекке дейін жалғасады, оған командалық пункттер үшін компьютерлік модельдеу, далалық дайындық және азаматтық қорғаныс бойынша оқу-жаттығулар кіреді. Оқу-жаттығудың бірінші бөлігі Солтүстік Кореяның шабуылдарын тойтару және астаналық агломерацияны қорғауды пысықтау болып табылады, екінші бөлігі қарсы шабуылдау операцияларына шоғырланған.

Екі елдің әскери күштері далалық маневрлерде 13 біріктірілген жаттығу бағдарламаларында әртүрлі жағдайларға дайындалады. Соның ішінде атом электр станцияларында қолдан жасалған жарылғыш құрылғыларды табу, жартылай өткізгіш зауыттағы өрт, әуежайлардағы терроризм және дрондардың шабуылдарына қарсы тұру.

Оқу-жаттығу кезінде COVID-19-дың алдын алу үшін әскери қызметкерлер  тест тапсырып, бетперде киюге міндетті.

Соңғы жылдары мұндай жаттығулар коронавирустық пандемияға байланысты компьютерлік модельдеу форматында өтті.

Фото:  inbusiness.kz