Онлайн-казино ойнайтын қазақстандықтарға несие беру шектеледі
Құмар ойындарға тартылған ойыншыларға борыштық жүктеме коэффициенті қатаңдатылды, деп хабарлады ҚР Қаржы нарығын реттеу және дамыту агенттігі төрағасының орынбасары Олжас Қизатов.
«Қарапайым қарыз алушылар үшін КДН 50% құрайды, яғни несие бойынша ай сайынғы төлем сіздің табысыңыздың 50% -нан аспауы тиіс. Интернет-казино пайдасына төлем жасайтын қарыз алушылардың санатына қатысты біз 25% мөлшерінде КДН жасадық, яғни мұндай тұлғалардың банктер мен микроқаржы ұйымдарынан кредиттер алу мүмкіндігін айтарлықтай қатаңдаттық», – деді Олжас Қизатов.
Ол ойыншылардың банктердің ақпараттық жүйелері арқылы анықталатынын айтты.
