Нұрлан Нығматулиннің ұлдары бақылайтын «Қазфосфат» зауытында ереуіл басталды

0
1328

Мәжілістің экс-спикері Нұрлан Нығматулиннің ұлдары бақылайтын «Қазфосфат» ЖШС зауытында Ресейден келген менеджердің наразылығы жанжал тудырды.

«Қазфосфат зауыты жұмысшыларының наразылығы нәтижесінде Ресей азаматы жұмысшылардан кешірім сұрап, жұмыстан шығарылды. Сондай-ақ қызметкерлердің талаптары мен ұсыныстары бойынша жұмыс тобы құрылып, тексеру ұйымдастырылады. Ұлтаралық қақтығыстар болған жоқ. Зауыт қалыпты жұмыс істеп тұр» деп сендірді Жамбыл ауданының әкімдігі.

Алдын ала болжам бойынша, Ресейден келген менеджер жергілікті жұмысшыларды қорлайтын сөздерге жол беріп, оның арты жанжалға ұласқан.

Одан әрі жұмысшылар наразылық білдіргеннен кейін жұмыс жағдайы мен жалақыға қатысты басқа да талаптар орнында қойылып, зауыт басшылығына талап-арыздар қойыла бастады.

Тәртіп сақшылары оқиға орнына келіп, келіссөздер басталды.