Нұрбол Жұмасқалиев «Тобылдағы» қызметін жалғастырады

0

2018 жылғы 27 желтоқсан 22:12 227

Нұрбол Жұмасқалиев «Тобылдағы» қызметін жалғастырады

ҚОСТАНАЙ. ҚазАқпарат – Танымал футболшы Нұрбол Жұмасқалиев «Тобыл» футбол клубының спорт директоры болып тағайындалды, деп хабарлайды ҚазАқпарат.

Клубтың баспасөз қызметі таратқан ақпаратқа сенсек, бұған дейін спорт директоры қызметін атқарып келген Владимир Нидергаус техникалық директор лауазымына ауысты.

Нұрбол Жұмасқалиев 1981 жылы 11 мамырда Орал қаласында дүниеге келген. Футболдағы мансабын 1998 жылы Оралдың «Нарын» командасы сапында бастады.

1999-2000 жылдарда Талдықорғанның «Жетісу» клубында ойын көрсетсе, 2000-2010 жылдарда Қостанайдың «Тобылының» жейдесін киді. Ал 2011-2012 жылдарда Астананың «Локомотивінде» доп тепсе, одан кейін төрт жыл бойы қайтадан «Тобылдың» намысын қорғады. 2017 жылы Павлодардың «Ертісінде» 7 ойын өткізіп қайтқанымен, сол жылы «Тобылға» қайта келді. Биылғы біріншілікте қола жүлдегер атанған «Тобылды» марапаттау рәсімі барысында Нұрбол Жұмасқалиев өзінің футболдан кететінін айтты.

 

Дереккөз: https://www.inform.kz/kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз