Нұр-Сұлтандағы сауда орталығында әйел қайтыс болды
Әйел жедел жәрдем бригадасы оқиға орнына жеткенше көз жұмды. Бұл ақпарат мессенджерлерде тарап кеткен болатын
НҰР-СҰЛТАН, 27 наурыз – Sputnik. Елорададағы «Әлем» сауда орталығында әйел қайтыс болды. Ақпаратты Sputnik Қазақстанға астаналық полиция департаменті растады.
«Иә, бүгін қайтыс болды. Зорлық-зомбылық белгілері жоқ», — деді полицияда.
Әйелдің неден қайтыс болғаны әлі белгісіз. Департамент толық ақпаратты кейінірек береді.
Бұған дейін месенджерлерде астанада әйелдің өлімі туралы ақпарат тараған болатын.
Тағы оқыңыз: Коронавирустан көз жұмған қазақстандыққа қатысты тың ақпарат жарияланды
Елордадағы қоғамдық денсаулық сақтау басқармасында Sputnik Қазақстанға 103 нөміріне қоңырау 27 наурыз 12.09-да түскенін айтты. Дәрігерлер бригадасы оқиға орнына 12:11-де жетті.
«Өкінішке қарай әйел жедел жәрдем жеткенше көз жұмды. Өлімнің себебі белгісіз», — деді басқармада.
sputniknews.kz