Назарбаев Университеті таратылмақ па?

0

«Шоқан Уәлиханов атындағы Көкшетау мемлекеттік университеті» ҰҒО-ның әлеуметтік-мәдени даму жөніндегі проректоры Ғалым Байтұқ университеттің ешбір әлемдік рейтингке енбегенін айтып, Назарбаев университетін сынға алды.

Бұл туралы ол Facebook парақшасында жазды.

«Қазақстандық білім берудің флагманы Назарбаев Университеті – мүлде крейсер, не тіпті қайық емес, үрлемелі резеңке қайық. Миллиардтаған бюджеттік және демеушілік ақшаны жеп жатқан бұл жеке дүкен ешбір әлемдік университеттер рейтингіне кірмейді. Бұл тіпті CWUR рейтингінде әлемдегі ең жақсы 1000 университет қатарына кірмейді! Бұл түсінікті, өйткені сарапшылар үшін ашуды талап ететін көптеген критерийлер бар және бұл НУ басшылығы үшін тиімсіз» деп жазды қоғам қайраткері.

Оның айтуынша, университет басқа білім ордаларымен әріптестік орнатуға да қауқарсыз.

«Бұл оған елде жасалған ерекше қолайлы жағдайларға қарамастан: құны 2 млрд доллар тұратын жабық университет қалашығы, шетелдік профессорлардың үлкен жалақысы, кейбір мәліметтер бойынша, жергілікті кадрлардың жалақысынан 10-15 есе асып түседі» деді ол.

Ғалым Байтұқ ерекше мәртебе туралы заңды алып тастап, Назарбаев Университетін қайта құру, университетті білім мен ғылымның біртұтас жүйесіне көшіру қажет деп санайды. Сондай-ақ, ол ЖОО-ның қазіргі артықшылықтарын сақтамай, оны бизнесті басқаруға беру керек деген ұсыныс жасады.