Назарбаев өзі туралы түсірілген фильмнің премьерасына барды

Фото: Ақорда

Астана, BAQ.KZ. Мемлекет басшысы «Елбасы жолы. Астана» көркем фильмінің премьерасына барды. Бұл туралы Ақорданың баспасөз қызметі хабарлады.

Нұрсұлтан Назарбаев режиссер А.Сатаевтың «Елбасы жолы. Астана» фильмін көруге барды. Бұл картина – «Елбасы жолы» киноэпопеясының бір бөлігі.

«Елбасы жолы. Астана» фильмінде Қазақстан елордасының қалыптасу тарихы және оны салу үдерісіндегі Нұрсұлтан Назарбаевтың басты рөл атқарғаны жөнінде баяндалады. Кинокартинада 1994 жылғы шілде айында ел астанасын Алматыдан Ақмолаға көшіру туралы қабылданған маңызды шешімге байланысты оқиғалар көрсетіледі.

Біздің Telegram-парақшамызда Қазақстанның маңызды жаңалықтары. Жазылыңыздар!