Назарбаев Мәскеуде Путинмен кездесті
Қысқа сілтеме алу
Мәскеуде Нұрсұлтан Назарбаев сонымен бірге М.Ломоносов атындағы Мәскеу мемлекеттік университетіне барады
НҰР-СҰЛТАН, 10 наурыз – Sputnik. Мәскеуде Қазақстанның тұңғыш президенті Нұрсұлтан Назарбаев Ресей президенті Владимир Путинмен кездесті, деп хабарлады Елбасының баспасөз хатшысы Айдос Үкібай.
Бұған дейін Айдос Үкібай Нұрсұлтан Назарбаев Мәскеуде Ломоносов атындағы Мәскеу мемлекеттік университетіне баратынын хабарлаған болатын.
Соңғы бес жыл ішінде Елбасы Нұрсұлтан Назарбаев Ресейге 16 рет барды. Өткен жылдың желтоқсанында Назарбаев ЕАЭО Жоғары Еуразиялық экономикалық кеңесінің құрметті төрағасы ретінде Санкт-Петербургте өткен ЕАЭО саммитіне қатысты. Сондай-ақ, Елбасы Тәуелсіз Мемлекеттер Достастығына қатысушы мемлекеттер басшыларының бейресми кездесуінде болды.
Оқи отырыңыз: Назарбаев Путинмен телефон арқылы сөйлесті
Өткен аптада, 7 наурызда Назарбаев Путинмен телефон арқылы сөйлесті. Тараптар екіжақты және халықаралық күн тәртібіндегі өзекті мәселелер, соның ішінде Сирия мәселесі бойынша өткен Ресей-Түркия келіссөздерінің қорытындысы бойынша пікір алмасты.
sputniknews.kz
