Назарбаев Конституциялық кеңеске не себепті жүгінді? — новости Казахстана

Саясаттанушы Талғат Қалиев Нұрсұлтан Назарбаевтың президент өкілеттілігі тоқтатылуы туралы тармақты не үшін түсіндіріп беруін сұрағанын айтты деп жазады NUR.KZ.

Фото:altyn-orda.kz

Елбасының өтініші кеше төртінші ақпан күні Конституциялық Кеңеске жіберілген еді. Назарбаев түсіндіруді өтінген Конституцияның 42 бабы, үшінші тармағында былай жазылған:

Республика Президентінің өкілеттігі жаңадан сайланған Республика Президенті қызметіне кіріскен кезден бастап, сондай-ақ Президент қызметінен мерзімінен бұрын босатылған немесе кетірілген не ол қайтыс болған жағдайда тоқтатылады. Республиканың бұрынғы Президенттерінің бәрінің, қызметінен кетірілгендерден басқасының, Қазақстан Республикасының экс-Президенті деген атағы болады

Саясаттанушы өзінің Telegram-арнасында «бұл хабарламаның қоғамға арналғанын және арнайы міндетті атқаруға бағытталғанын» жазды. Назарбаев саяси шешім қабылдауда процедуралық жайттардың орындалуына ерекше көңіл бөлетін адам. Сондықтан КК заңның негізгі ережелерін айқындауы және рәсімделуі болашақта оның бұрмалануына жол бермейді».

«Бірақ бұл ауысым қазір болады деген сөз емес. Бәлкім, Кеңестің түсіндіруі негізінде және басқа да себептермен «Нұр Отанның» мерейтойлық съезінде кезектен тыс сайлау болатыны жарияланып, кандидат ұсынылады. Тұңғыш президент қолдайтын үміткер ұсынылу мүмкіндігін жоққа шығаруға болмайды. Дегенмен Назарбаев қысқа мерзімге сайланып, одан кейін отставкаға кетуі сияқты сценарий де өрбуі мүмкін», — деп болжады Қалиев.

Сарапшының ойынша, бұл хабарламаның халыққа арналуының мақсаты басқа. Бұл тыйым салынбаса да, әдейі еленбей келген транзит мәселесін көтеруге арналған болса керек. Жоғарғы үкімет басшысының ауысуы міндетті түрде болатыны үрей тудырмауы тиіс.

«Бірақ соңғы интитуттық өзгерістер Назарбаевтің келесі президент басқаруы кезінде саясатты өзі реттеуге ниеттеніп отырғандығын көрсетеді. Бұл шиеленіс пен дегдарлар аралық қақтығыстарды болдырмайды», — деп сөзін қортындылады Қалиев.