«Насыбай, насыбай»: Хит әнге пародия жасаған жігіттер желіні жарды (видео)

0

Ғаламтор кеңістігін шулатқан «Опмай-опмай» әніне пародия жасаған жас жігіттер көпшілікті күлкіге қарық қылды. Олар ел арасында қызу талқыға түскен өлеңнің сөзін өзгертіп тастап, жаман әдетке жақын ер балаларды мазақ еткен деп жазады NUR.KZ.

Отандық блогерлар хит әннің мәтінін әлеуметтік мәселеге ұйқастырып жөзгерткен. Олар «насвай» деп аталатын зиянды заттың елімізде әркімге сатыла беретінін алға тартқан. Оған қоса, жігіттер қоғамды улап жатқан жаман әдетті әзілмен жеткізіп қана қоймай, одан аулақ болуға шақырды.

Сонымен қатар, олар желі оқырмандарына видеоның астына осындай жаман әдетке жақын достарын белгілеуді тапсырған. Осылайша, блогерлар насвай ататындарды әшкерелеруде.

https://www.instagram.com/p/Bs2_36al2n_/?utm_source=ig_embed

Жас жігіттердің бұл видеосына желі оқырмандары жарыса пікір қалдыра бастаған. Олардың басым көпшілігі әзілі жарасқан бейнежазбаның күлкіге қарық қылғанын айтуда. Тағы бірі, олардың әлекметтік маңызы бар тақырыпты көтергені үшін мақтап та жатыр.