Нариман Құрбанов: Төгілген терім ақталды

«3 жыл бұрын ұпайым жетпей, Токио Олимпиадасына бара алмай қалдым. Сол сәтте келесі Олимпиадаға өту үшін, нәтижемді жақсарту туралы ойландым.  Өйткені, бірінші кезекте Олимпиада жүлдесін армандаудан бөлек, Олимпиаданың өзіне жолдама алу өте қиын. Қарсыластардың саны өте көп. Сондықтан жаттығу бағдарламамды толық өзгерттім.  2024 жылға дейін бірде жүлде алсам, бірде қателесіп, жүлдеден тыс қалдым. Психологиялық жағынан тұрақтылық жетіспеді. Енді Париж Олимпиадасының күміс жүлдесін қолыма ұстап тұрсам да, әлі сене алар емеспін. Жасаған жаттығуым, төгілген терім ақталды.