Мысырдағы қазақ елшісі Қазақстанның атауын өзгертуді ұсынды

0

Қазақстан Республикасының Мысырдағы Төтенше және өкілетті елшісі Қайрат Лама-Шариф мемлекет атауын өзгертуді ұсынды, — деп хабарлайды Kznews.kz сайты Orda.kz-ке сілтеме жасап.

«Бүгінгі таңда 193 мемлекет Біріккен Ұлттар Ұйымына мүше болып табылады. Олардың қатарында 7 мемлекеттің атауы «стан» жұрнағымен аяқталады: Afghanistan, Kazakhstan, Kyrgyzstan, Pakistan, Tajikistan,  Turkmenistan және Uzbekistan. Стан – парсы сөзі, ел деген мағына береді. Сөздің шығу төркініне үңілсек, жер (land) деген ұғымға да сай келеді. Ирандықтар провинцияны («Остан») дейді. Остан мен Астана – түбірлес сөздер», – деп түсіндірді ол мәселені.

Сондай-ақ, қазіргі өзгеру кезеңінде мемлекет атауынан «стан» жұрнағын алып тастап, басқаша атау қоюды ұсынды.

«Осы 7 ел, 20 ірілі-ұсақ елді мекендердің атауларына көз жүгіртсек, «стан» ұғымы БҰҰ-ның ресми терминімен айтқанда – «мемлекет» (State) мағынасын бермейді. Сондықтан, менің пікірімше, Ата Заңымызға өзгерістер енгізгенде ҚАЗАҚ МЕМЛЕКЕТІ, КАЗАХСКОЕ ГОСУДАРСТВО (орысшасы), STATE OF QAZAQ (ағылшын тілінде) деп, «тайға таңба басқандай» жазуымыз керек», – деді ол.

Елші өз ұсынысын әлеуметтік желідегі парақшасында жариялады.

(Фото orda.kz сайтынан алынды)