«Мы братва, банда» — Полицейлердің видеосын ІІМ өкілдері түсіндірді — Ел жаңалықтары

Шенді ер адамның өз әріптестерін 2019 жылмен құттықтау видеосына қатысты ІІМ өкілдері пікір білдірді, — деп хабарлайды Tengrinews.kz тілшісі. 

Таралып жатқан видео Қарағандыдағы ҚР ІІМ академиясында түсірілген. Видеода сөйлеп тұрған — бірінші курс басшысының орынбасары өз әріптестерін құттықтаған. 

«Мұны (видео — авт. түсіндірмесі) 2018 жылы 31 желтоқсанда Қарағандыдағы ІІМ академиясында бірінші курс басшысының орынбасары түсірген. Осыған қатысты, қызметтік тексеріс жүгізіліп жатыр, соның нәтижесінде осы қызметкер және оның басшылары қатаң тәртіптік жазаға тартылады, оның ішінде жұмыстан босатылу туралы шешімі де бар», — деді ҚР ІІМ ресми өкілі Алмас Сәдубаев.