«Мүшеқап үрлеткен»: Семейде бір топ оқушы жасы кіші баланы аяусыз ұрған (ВИДЕО)
Семейде бір топ оқушының өзінен кіші баланы соққыға жығып, мүшеқапты үрлеуге мәжбүрлегені туралы видео тарады. «Криминальный Казахстан» Telegram каналының мәліметінше, оқиға №9 мектептің алтыншы және жетінші сынып оқушылары мен №15 мектептің төртінші сынып оқушысы арасында болған.
Абай облыстық Полиция департаменті бұл оқиға бойынша қылмыстық іс қозғалғанын хабарлады. Қатысушылар анықталып, ата-аналарымен бірге полицияға жеткізілді. Жасөспірімдер есепке алынып, мінез-құлқын кәмелетке толмағандардың құқығын қорғау комиссиясы қарайды. Ата-аналар тәрбиелеу міндетін дұрыс орындамағаны үшін жауапқа тартылады. Оқиғаның себептерін жою үшін мектеп әкімшілігіне ұсыныс жасалады. Тергеу ерекше бақылауда.
фото: egionsamara.ru, бильд-редактор: Дастан Шанай
