Мэнни Пакьяоның келесі жекпе-жегі қашан өтетіні анықталды
208 
0
Фото: РИА Новости
Астана, BAQ.KZ. Showtime телеарнасы филиппиндік әлем чемпионы Мэнни Пакьяо мен төрт дивизион бойынша чемпиондық белбеулердің иегері Эдриен Бронер арасындағы жекпе-жектің қашан өтетінін ресми түрде мәлімдеді.
Екі боксшы 19 қаңтар күні Лас-Вегаста рингке шығады. Көрермендер Showtime телеарнасының ақылы трансляциясы арқылы жекпе-жекті көре алады.
Пакьяо осыған дейін 60 жекпе-жек өткізіп, жетеуінде жеңіліп, екі жекпе-жегінде тең түсті. Бронер 33 кездесу өткізіп, оның үшеуінде жеңіліс тауып, біреуінде тең түсті.
Пакьяо соңғы жекпе-жегінде Лукас Матиссені техникалық нокаутпен жеңді. Ал Бронер болса Джесси Варгаспен тең түсті.
Біздің Telegram-парақшамызда Қазақстанның маңызды жаңалықтары. Жазылыңыздар!
Ұқсас сілтемелер:
Дереккөз: BAQ.KZ
