«Мінсіз, бітімі бөлек»: Димаш Құдайберген Алла Пугачеваның кешінде тосын сый жасады (видео) — Қазақстан жаңалықтары

Димаш Құдайберген әйгілі Ресей әншісі Алла Пугачеваның кешінде өнер көрсетті. Ол Игорь Крутойдың сүйемелдеуімен «Любовь похожая на сон» әнін орындап, көпшілікті таңдай қақтырды, деп хабарлайды Stan.kz.

Композитор Игорь Крутой Димашты таныстырмас бұрын оның болашағына үлкен үміт артатынын атап өтті. 

«Маған бұл жігіттің болашағы зор болып көрінеді. Бүкіл әлем осы жігіттің алдында бас иеді деп ойлаймын. Әннің аты — «Любовь похожая на сон». Орындайтын — Димаш Құдайберген», — дейді ол. 

Димаш ән салғанда қозғалыссыз отырған тыңдармандар ән аяқталған соң оған аямай қошемет көрсетті. 

«Әнді де шебер айтатын, сырт келбеті де мінсіз әншіні бірінші рет көруім. Сондай тәрбиелі, зиялы», «Неткен сымбатты, бітімі бөлек еді», «Игорь сүйемелдеуіңізге рахмет, Димаш мінсіз», — деп жазды желідегілер.