Министрдің жаңа кеңесшісі және ІІМ-нің ресми өкілі тағайындалды

0
163

Бұл орынға ҚР Бас прокуратурасының аппарат басшысының бұрынғы орынбасары жайғасты.

Бүгін,18-ақпан күні Ішкі істер министрлігінде министрдің жаңа кеңесшісі және ІІМ-нің ресми өкілі – Баспасөз хатшысы таныстырылды, деп хабарлайды Zakon.kz ҚР ІІМ баспасөз қызметіне сілтеме жасап.

Қазақстан Республикасының Ішкі істер министрі Ерлан Тұрғұмбаевтың бұйрығымен аталған лауазымға Ораз Нұрділдә Серікұлы тағайындалды.

Н. Ораз Әл-Фараби атындағы Қазақ ұлттық университетін, ІІМ Қарағанды академиясын, Л.Гумилев атындағы Еуразия ұлттық университетін тәмамдаған. Сондай-ақ «Болашақ» бағдарламасы бойынша АҚШ-та (Калифорния, Флорида) білім алған. Мамандығы бойынша журналист, заңгер.

Н.Ораз бұдан бұрын «Қазақстан», «31 арна», «Астана» республикалық телеарналарында тілші, редактор болып жұмыс істеді, Астана қаласының ІІД Баспасөз қызметінің бастығы, ІІМ Мемлекеттік тіл және ақпарат департаментінің директоры, ҚР Бас прокуратурасы аппарат басшысының орынбасары және ресми өкілі, «ОРТ-Еуразия» телеарнасы директорының орынбасары болып қызмет атқарды.

Министр Е. Тұрғұмбаев жаңа тағайындалған кеңесшісі және ІІМ-нің ресми өкілі – Баспасөз хатшысына БАҚ-пен жұмысты үйлестіру мен ұйымдастыруда жемісті еңбек тіледі.

Telegram арнасындағы маңызды жаңалықтар «zakon.kz». Жазылу!

[ad_2]

Zakon.kz