Милад Карими спорттық гимнастикадан әлем кубогы кезеңінің финалына шықты
174 
0
Фото: liter.kz
Астана, BAQ.KZ. Германияның Котбус қаласында өтіп жатқан спорттық гимнастикадан лицензиялық әлем кубогы кезеңінде қазақстандық атлет Милад Карими финалға жолдама алды.
Қол тіреп секіру жаттығуынан 14.412 ұпай алған ол 8-орыннан көрініп, финалға шықты.
Іріктеу кезеңінің қорытындысы бойынша, 14.899 ұпайы бар украиналық Игорь Радивилов көш бастап тұр. Екінші және үшінші орындарда Қытай мен Франция спортшылары орналасқан.
Әлем кубогы кезеңіне Қазақстан атынан Милад Карими мен Нариман Курбанов қана қатысып жатыр. Курбанов ат снарядындағы жаттығуда іріктеуден өте алмады.
Біздің Telegram-парақшамызда Қазақстанның маңызды жаңалықтары. Жазылыңыздар!
Дереккөз: BAQ.KZ
