Метеорит салдарынан болған алғашқы өлімі расталды – Қазақстан жаңалықтары

0

Түркия мен АҚШ ғалымдары метеориттен адам өлімінің алғашқы дәлелдерін тапты. Зерттеушілердің мақаласы Meteoritics & Planetary Science журналында жарияланды, деп хабарлайды Stan.kz ақпарат агенттігі.

Түркия Республикасы президенті жанындағы мемлекеттік мұрағаттың бас дирекциясында табылған құжаттарға сәйкес, оқиға 1888 жылы 22 тамызда болған. Жергілікті уақыт бойынша кешкі сағат 20:30-да Жер атмосферасына от болып кіретін метеорит бір адамды өлтіріп, екіншісін паралич қылған. Осман тілінде жазылған мәтінде ауылға соққан тастардың «жаңбыры» және егіннің зақымдануы туралы айтылады, бұл соққы толқынының әсерін көрсетеді.

Осы уақытқа дейін қауіпті оқиғалар бірнеше рет болғанына қарамастан, кем дегенде бір адамның аспан денесінің құлауынан қайтыс болғаны туралы мәлімет болған жоқ. Осылайша, 1954 жылы метеорит АҚШ-тың Алабама штатында үйдің төбесін тесіп өтіп, Анн Ходжес есімді әйелге қатты жарақат тигізіп, ол ауруханаға түсті. Сондай-ақ, Шығыс Африка мен Америка Құрама Штаттарындағы балалардың денелеріне аспан денелері түсіп, бірақ олардың денсаулығына ауыр зиян келтірмеді.

Ғалымдардың пікірінше, аспан денелерінің құлауынан зардап шеккендер туралы тағы басқа тарихи дәлелдер болуы мүмкін. Қазіргі уақытта ағылшын тілінен басқа тілдерде жазылған құжаттар жақсы түсінілмейді және оларды ағылшын тіліне аудару бойынша мамандар аз.

stan.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз