«Мені өлтірмекші» – ТЖД кезекшісі көмек сұраған қоңырауды елемегені үшін сотталды
2024 жылдың 9 маусымында Ақтөбе тұрғыны көлік сатуға барған. Кездесуде сатып алушы оның мойнына белбеу салып, тұншықтыра бастаған. Әйел 112 нөмірін теріп, «мені өлтірмекші” деп айқайлаған. Алайда диспетчер хабарламаны елемеген көрінеді. Қоңырау шалған әйел қайтыс болды, деп хабарлады №2 соттың баспасөз қызметі.
Кейін күдікті ұсталды. Оның гаражынан ұрланған көлік табылды.
Сот диспетчерді 2 жылға бас бостандығынан айырды. Сондай-ақ, оған мемлекеттік қызметте 3 жыл жұмыс істеуге тыйым салынады.
