Мектепте бомба бар деген күдікті ұсталды
Күдікті жалған ақпарат берген уақытта мас болған.
Мұғалжан аудандық полиция бөліміне 102 телефоны арқылы Қандағаш қаласының №5 орта мектебінде бомба қойылды деген хабарлама түскен, деп хабарлайды Baq.kz.
Полиция қызметкерлері мектеп күзетшісін сыртқа шығарды. Мектеп түгел тексеріліп, ешқандай жарылғыш зат табылмаған.
Аталған факті бойынша жергілікті тұрғын ұсталды. Ол мас болған.
Қазір ҚР Қылмыстық кодексінің 273-бабына сәйкес сотқа дейінгі тергеу басталды. Күдікті Мұғалжар аудандық полиция бөлімінің уақытша қамау изоляторына қамалған.
Telegram арнасындағы маңызды жаңалықтар «zakon.kz». Жазылу!
Дереккөз: https://kaz.zakon.kz/
