Мекке мен Медина су астында қалды

Сауд Арабиясының Мекке және Медина қалаларында қатты нөсер жаңбыр жауып, су тасқыны болды. Бұл туралы Kznews.kz ақпарат агенттігі Mash арнасына сілтеме жасап хабарлайды.

Басылым мәліметінше, қасиетті Мекке және Медина қалаларының көшелері су астында қалған. Нөсер жаңбырдан кейін жолдар өзенге айналып, тасқын көліктерді шайып кеткен.

Сауд Арабиясының метеорологиялық басқармасы Мекке, Медина және портты Жидда қалалары үшін қауіптіліктің қызыл деңгейін жариялады. Су әдетте құрғақ және тасты жерлерден ағып өтіп, қалалар мен ауылдарды су басқан.

Еске салайық, бұған дейін Қытайдың Тибет автономиялық округіндегі Сицзан аймағында жойқын жер сілкінісі болғанын жазған едік. Магнитудасы 6,8 балл болатын жер сілкінісі Шигацзе қаласының Тингри ауданында тіркелген. Қазіргі уақытқа дейін қаза тапқандар саны 53.  Жер сілкінісінің дүмпуі Непал мен Үндістанда да сезілген. Қасиетті Шигацзе қаласы тибет буддизміндегі маңызды тұлғалардың бірі Панчен-ламаның резиденциясы болып саналады.