Мас болып көлік жүргізіп, әйелін ұрған: Желіде Талдықорған әкімінің төбелес видеосы пайда болды
Желіде Талдықорған әкімдігі қызметкерлерінің жанжалды видеосы талқыланып жатыр. Қалалық әкімдіктің баспасөз қызметі камераға түсіп қалған оқиғаның 12 наурызда болғанын айтты.
«Бұл оқиға 12 наурызға қараған түні Талдықорғандағы мекемелердің бірінде болған. Қазіргі уақытта Талдықорған әкімдігі осы оқиға мен резонанс бойынша ішкі қызметтік тергеу жүргізуде. Әзірге біз оның нәтижесін көрген жоқпыз (тергеу — ред.). Сірә, ертеңгі жұмыс күнінің соңына дейін кейбір нәтижелер болуы мүмкін. Іске қала әкімінің орынбасарлары мен құрылыс бөлімінің бастығы қатысты. Мен фамилияларды әлі айта алмаймын» деді Талдықорған қаласы әкімінің кеңесшісі Нұр Қанатұлы.
Бұл факт бойынша Мемлекеттік қызмет істері агенттігінің баспасөз қызметінде түсініктеме берілді.
«Қазіргі уақытта біздің Алматы облысы бойынша аумақтық департаментіміз тиісті жұмыстарды жүргізуде. Тиісті шараларды қабылдау туралы жоғары тұрған лауазымды тұлғаға хат жолданды. Қазіргі уақытта Талдықорған әкімдігі бұл факті бойынша қызметтік тексеру жүргізуде» дейді Ерхан Таткен.
Видео авторы Қайрат Әбдірахманның айтуынша, бәрі түнде Талдықорғандағы караоке-барлардың бірінің жанында болған. Кадрларда, оның айтуынша, ТКШ қызметкері мас күйінде рульде отырып, әйелін ұрып тастаған. Кейінірек, видео авторы атап өткендей, шенеунікті полиция ұстап, тексеру үшін полиция бөліміне алып келді. Сондай-ақ, Әбдірахманның айтуынша, видеода Талдықорған қаласы әкімінің орынбасары бейнеленген.
View this post on Instagram
