Home Жаңалықтар Маңғыстауда жүздеген мұнайшы жалақыларын көтеруді талап етіп бас көтерді (видео)

Маңғыстауда жүздеген мұнайшы жалақыларын көтеруді талап етіп бас көтерді (видео)

0
119

Маңғыстау облысындағы бірнеше мұнай кен орындарының жұмысшылары жалақыны көтеруді талап етіп, наразылыққа шықты деп хабарлайды «Ақтау-Лада» басылымы.

Атап айтқанда, Қаламқас кен орнындағы «Ақтаукрантехсервистің» 200-ден астам қызметкері және Жетібай мен Жаңаөзен кен орындарындағы жұмысшылар жалақысын көтеру туралы өтініш білдірді. Оларды Ақтаудағы әріптестері де қолдады.

Жұмысшылардың айтуынша, қазіргі уақытта бір қызметкердің жалақысы 120 мың теңгені құрайды. Азық-түлік және басқа да қажетті тауарлар бағасының өсуіне байланысты олар жалақыны 250-300 мың теңгеге дейін көтеруді сұрайды.

Бүгін, 24 тамызда жұмысшылар президентке, премьер-министр Асқар Маминге, «ҚазМұнайГаз» АҚ Президенті Алик Айдарбаевқа және Маңғыстау облысының әкімі Серікбай Трумовқа наразылықтарын айтып, жүгінді.