Маңғыстауда “алкогольсіз” ауыл пайда болмақ

Спирттік ішімдіктерден бас тарту үрдісі ауылдарда да қарқын алуда. Маңғыстау облысы аудандарының бірінде «алкогольсіз Ауыл» құру туралы шешім қабылданды.

Мұндай ұсынысты Түпқараған ауданының әкімі Рахат Елтизаров ұсынды. Ол үш мыңнан астам адам тұратын Таушық ауылының ақсақалдарының алдында сөз сөйлеп, ауыл тұрғындарын алкогольден бас тартуға шақырды.

«Құрметті ардагерлер! Мен сізге ішкі мәдениетті дамытуды және көршілес аудандарда өткізілетін жақсы үрдіс бойынша Таушық ауылын көптеген адамдар үшін «алкогольсіз ауыл» ретінде үлгі етіп, алкогольдік ішімдіктерден бас тарту бойынша жұмыс жүргізуді ұсынамын», — деді Елтизаров.