Маңғыстау облысы әкімі орынбасарының ұсталған сәтінен видео тарады
Маңғыстау облысы әкімінің орынбасары Серік Аманғалиевтің Ақтау әуежайында ұсталған сәтінен видео пайда болды деп хабарлайды NUR.KZ.
Фото: Видеодан кадр
Мемлекеттік қызмет істері және сыбайлас жемқорлыққа қарсы іс-қимыл агенттігінің ресми өкілі Жанна Бастарованың хабарлауынша, ол МЖӘ аясында жүзеге асырылатын құны 4,5 миллиард теңге тұратын инвестициялық жоба бойынша жалпы қамқорлығы үшін құрылыс компаниясының өкілінен 400 мың еуро пара сомасының 115 мың еуро бөлігін алды деп күдіктеліп отыр.
Естеріңізге сала кетейік, күні кеше Маңғыстау облыстық әкімдігі жұмысқа келмеген шенеуніктің қайда екенінен бейхабар болған. Артынша Серік Аманғалиевтің қамалғаны туралы айтылған еді.
