«Мәңгүрттер»: тағы бір экс-депутат арандатумен айналысқан

Әлеуметтік желіде Солтүстік Қазақстан облысы қоғамдық кеңесінің бұрынғы мүшесі, Петропавл қаласы мәслихатының экс-депутаты Павел Афанасьевтің облыс орталығының атауын Қызылжарға өзгертуді талап етіп жатқан халықты «мәңгүрт» деп атағанына наразылар көбейіп жатыр.

Мен Петропавловск қаласының Қызылжар деген тарихи атауына өзгертілуіне қарсымын. Облыс пен қала атауын өзгертуді талап етіп жатқандар еліміздегі бейбітшілік пен саяси тұрақтылыққа қарсы шығып жатқандар. Қала атын өзгерткісі келетіндер еліміздің көпұлтты мемлекет болғанын көре алмайтындар. Ал «мәңгүрттер» Петропавловск қаласының атын өзгерткілерің келсе, алға!, – деп жазған екен ол.

Оның бұл жазбасы 2022 жылы жарияланған. Сол кезде ол мәслихатта депутат болыпты. Қазақты «мәңгүрт» дегені бірінші рет емес екен. 2017 жылы да солай деген көрінеді.