Макгрегор Қазақстан туралы сұраққа жауап берді

0
30

Спорт

Қысқа сілтеме алу

2 0 0

Конор Макгрегор қазақстандық боксты жоғары бағалап, сүйікті тағамы және UFC-ге қашан оралатыны туралы айтты

НҰР-СҰЛТАН, 23 қазан – Sputnik. Аты аңызға айналған ирландиялық аралас жекпе-жек шебері Конор Макгрегор Киевте өткен баспасөз мәслихатында қазақстандық спортшылар туралы пікір білдірді.

«Қазақстандық аралас жекпе-жек шеберлері жайлы естімедім. Қазақстанда бокс өте жақсы дамығанын және еркін күрес секілді бай тарихы бар екенін білемін. Дегенмен қазақстандық файтерді  кездестіргенім есімде жоқ. Егер мені шақырсаңыздар, Қазақстанға баруым мүмкін», – деп жауап берді ирландиялық ММА-дегі қазақстандықтар туралы сұраққа.

Сондай-ақ Конор жақын арада UFC-ге оралып, жаңа қарсыластарын жариялайтынын айтты.

Макгрегор сегізбұрышқа соңғы рет 2018 жылдың қазан айында шықты. Ол кезде ресейлік Хабиб Нурмагомедовтан жеңіліп қалды, жекпе-жектен кейін спортшылар командалары арасында төбелес болып, салдарынан екі спортшы да шеттетілді.

Тағы оқыңыз: Головкин Нурмагомедовтің жеңісінен кейін шаршы алаңға «шығып кетті»

Сонымен қатар, Макгрегор өзінің сүйікті тағамы әйелі пісіретін киевше котлет, ал сүйікті сусыны виски екенін айтты.

UFC экс-чемпионы Украинаға Parimatch компаниясының арнайы шақыруымен ұшып келді. Баспасөз конференциясы белгіленген уақыттан үш сағат кешігіп басталды, спортшы қалың тұманға байланысты уақытында келе алмаған.



sputniknews.kz