Домой Басты тақырып Майшелпекке айналған «Алтын орда» базары. Тоқаев екі ай уақыт берді

Майшелпекке айналған «Алтын орда» базары. Тоқаев екі ай уақыт берді

0
2828
Президент Қасым-Жомарт Тоқаев Алматы іргесіндегі «Алтын Орда» базарының жұмысына тоқталды, деп хабарлайды kznews.kz сайты.

«Бір түйіткілді мәселені атап өтейін. Сауда-саттықтағы тиімсіз делдалдыққа тоқтау салатын кез келді. Мысалы, 3 миллион тұрғыны бар Алматы мен оның төңірегіндегі адамдар көп тауарды «Алтын Орда» базарынан сатып алады», – деді Президент.

Мемлекет басшысы Алматы қаласы мен облыстың әкімдеріне Үкіметпен бірлесіп, базарда тәртіп орнатуға тапсырма берді.

«Бұл жер пайдакүнемдер үшін май шелпекке айналған. Бұған Алматыдағы Қаңтар оқиғасы кезінде анық көз жеткіздік. Бұл басқа өңірлерге де қатысты. Қажет болса, бұл жұмысқа құқық қорғау органдары да атсалыссын. Екі ай уақыт беремін», – деді Қасым-Жомарт Тоқаев.

Айта кетейік, бүгін Мемлекет басшысы Қасым-Жомарт Тоқаевтың төрағалығымен Үкіметтің кеңейтілген отырысы өтті.