Майқайың кентінде тағы да төтенше жағдай жарияланды

Майқайың кентінде пайда болған ойықтар тұрғындардың өміріне үлкен қауіп төндіруі мүмкін. Бұл туралы Павлодар облысы төтенше жағдайлар департаментінің бастығы Жасұлан Жұмашев Өңірлік коммуникациялар қызметінде өткен брифингте хабарлады.

«1 наурыздан бастап Майқайыңда техногендік сипаттағы төтенше жағдай жарияланды. Бұған «Майқайыңалтын» АҚ-на қарасты кеніште 4 қаңтар күні пайда болған ойықтың жақын маңдағы үйлерге қауіп төндіру мүмкіндігі себеп болып отыр. Мамандар қазір жер үйлер орналасқан аумақта және оған жақын жерлерде пайда болуы мүмкін жерасты кеңістіктерін, жарықтарды зерттеп жатыр», — деді Ж.Жұмашев.

фото: Фото: Павлодар облыстық ТЖД