Магнитогорскіде қаза тапқандар саны 40-қа жуықтады

Ресейдің Магнитогорск қаласында көпқабатты үйдегі апаттан қаза тапқандар саны 37 адамға жетті. Төтенше жағдайлар жөніндегі министрліктің хабарлауынша, құтқарушылар үйінді астында қалып қойды делінген бірнеше адамды іздеп жатыр. 31 желтоқсанда Магнитогорск қаласындағы он қабатты үйде газ жарылып, бір подъезд қираған. Үйсіз қалғандар қаладағы мектептердің спорт залдарын паналап жатыр. Ресей президенті Владимир Путин апат болған күні Магнитогорск қаласына шұғыл жетіп, оқиғаға байланысты төтенше жағдай мамандарымен жиын өткізген. Газ жарылған үйге, қалалық ауруханаға барған.