Лукашенко Беларусь президенттігінен жақында кететінін мәлімдеді

0
290

Беларусь президенті Александр Лукашенко өзінің жақын арада мемлекет басшысы қызметіне кететінін мәлімдеді. Бұл туралы БЕЛТА хабарлады.

Белорус мемлекетінің басшысы 9 тамыз, дүйсенбі күні журналистермен, қоғам, сарапшылар және медиа қауымдастықтары өкілдерімен кездесуі барысында осындай ой қозғады.

Сонымен бірге Лукашенко өзінің тап қандай орынтақтан кеткелі тұрғанын әзір ашып айтпайтынын, сондықтан ол жайында болжам жасап әуре болмауға шақырды. «Өте жақында», – деп сендірді бар болғаны ол.

Бұған қоса, белорус лидері өзінің орнын басатын ықтимал мұрагердің есімін атаудан да бас тартты.

Бұдан бұрын Лукашенко, өзінің пікірінше, 2020 жылғы президент сайлауының «жаппай жариялылық» пен демократияландыру жағдайында өткенін айтқан болатын. Ол кейбір үміткерлердің «әділ де таза» сайлауға қатысуға дайындалу орнына, басынан іс басындағы президентті тақтан тайдыруға әрекет еткенін атап өтті.

Беларусьте былтырғы жылғы 9 тамыз күні президент сайлауы болып өткен еді. Ол аяқталған бойда елде жаппай қарсылық, наразылық қозғалысы басталып кетті. Қозғалыс ұзақ айларға созылды. Акцияны күштік құрылымдар ығи күштеп басумен болды. Соның нәтижесінде ондаға мың адам қамауға алынды. Оларды азаптау мен ұрып-соғу шаралары жүріп жатқаны жайлы елде жиі мәселе көтеріледі. Көптеген оппозиция адамдары шет елдерге кетуге мәжбүр болды.

Бүгін Варшавада осында тұрып жатқан белорустар шеруге шығып, Лукашенконың заңды президент екендігімен келіспейтіндерін білдірді.