Лондон төрінде Димаштың концерті дүркіреп өтті
Димаш Құдайберген Ұлыбритания астанасы Лондонда алғаш рет жеке концертін өткізді.
Фото: ҚР Мәдениет және спорт министрлігі / Никита Басов
11:29 20.11.2018
19 қараша күні Лондонның «Indigo at the O2» алаңында өткен Димаш Құдайбергеннің кешіне әлемнің 45 елінен тыңдармандар жиналған. Мәдени шараны Елбасы Нұрсұлтан Назарбаевтың «Рухани жаңғыру» бағдарламасы аясында ҚР Мәдениет және спорт министрлігі ұйымдастырған болатын.
Екі сағатқа созылған концерт көпшілік күткеннен артық деңгейде өткені анық. Әнші сахнадағы әрбір нөмірінде әртүрлі киіммен шығып, тек жанды дауыста ән шырқады.
Концерт барысында халықтың жүрегінен орын алған әндермен қатар, жаңа туындылар да таныстырылды: Adajio, Дайдидау, Сағындым, M. Jackson Tribuet, The Show Must go on, Лейла, If I Never Breathe Again және тағы басқалары.
