Лауазымынан босатылған әкім халқынан кешірім сұрады

Павлодар облысын 3 жыл бойына басқарған Әбілқайыр Сқақов екібастұздықтардан кешірім сұрады.

– Мен үшін сіздерге қызмет ету аса зор құрмет болды. Мен әрқашан барлығын шынайы және адал орындадым. Жылдар бойы жиналған мәселелердің біраз бөлігі шешілді. Қалғандарын шешуге уақыт қажет болды. Екібастұздағы төтенше жағдай дәл сол ұзақ уақыт бойы жиналып қалған және тез шешілмейтін мәселенің бірі. Дегенмен қадірлі Екібастұз тұрғындары, мен қалыптасқан жағдай үшін өз жауапкершілігімнің де бар екенін білемін және сіздерден шын жүректен кешірім сұраймын!, – деп желіде жазба қалдырды Әбілқайыр Сқақов.

Айта кетейік, бүгін ол аймақ басшысы лауазымынан босатылды.