Ләйлә Сұлтанқызы: Шынайы болып, алдамау керек — Қазақстан жаңалықтары

Әзілкеш Нұрболхан Шарапов желіде Ләйлә Сұлтанқызының ескі сұхбатының видеосын бөлісіп, тележүргізушіні халық алдында жауап беруге шақырды, деп хабарлайды Stan.kz ақпарат агенттігі. 

Танымал қазақстандық әзілкеш Нұрболхан Шарапов желідегі парақшасында Ләйлә Сұлтанқызының тележүргізуші Аман Тасығанға берген сұхбатын бөлісті. Аталған сұхбат барысында Ләйлә Сұлтанқызы өзінің біреуге жағымпаздану үшін өтірік айта алмайтынын айтады. 

«Шынайы болып, алдамау керек. Мүмкіндігінше адамды алдамауға, біреудің ала жібін аттамауға тырысамын. Қолымнан келгенінше жаманды жасырып, жақсыны асырамын. Өтірік істей алмаймын. Өтірік инабатты, ибалы бола алмаймын. Біреуге жағу үшін бірнәрсені өтірік істей алмаймын. Шындықтан таяқ жеген жоқпын. Біреуге менің зияным тимеуі керек», — дейді Ләйлә Сұлтанқызы. 

Алайда әзілкеш тележүргізушінің бұл сұхбатын күле отырып көргенін айтады. Желі қолданушыларының бірі Ләйлә Сұлтанқызын жақтаса, екіншілері әзілкешті қос қолдап қолдауда. 

«Шаршатып жібердің. Өз ойымды жамандап өзіңе оқырман жинап болған шығарсың, қойшы болды. Одан да демеушіміз болашақтың видеоларын салшы», «Бауырым, соңына дейін бар. Қолданушылар саны 1 миллионға жеткенше осы тақырыпты көтер» деп жазды желідегілер.