«Ләйлә екеуміздің арамызда ұрыс болып тұрады»: Ләйлә Сұлтанқызының күйеуі алғаш рет сұхбат берді – Қазақстан жаңалықтары

0

Көпшілікке танымал, тележүргізуші, журналист, продюсер Ләйлә Сұлтанқызы тікелей эфирде жолдасы Қайрат Беркінбаевпен бірге сұхбат берді. Кәсіпкер жары Ләйлә Сұлтанқызының мінезін, ара-қатынасын айтты. 

Ләйлә Сұлтанқызы тележүргізуші Тимур Балымбетовпен тікелей эфир арқылы сұхбаттасты. 

Ләйлә Сұлтанқызы жолдасының эмоцияға тез берілетін адам екенін айтады. Ашуы бір сәтті шығып, бір сәтте басылатын адам. Оған бастапқыда үйренісе алмағанымен, қазір бес саусақтай танып алған екен. 

«Қайрат эмоцияның адамы. Оған 5 минут шыдау керек. Әрі қарай ашуы басылады да, қоя салады. Түк болмағандай сөйлесіп кете береді. Ал, сол уақытта ұрыссаң, соңы жаман ұрысқа айналады. Бұрын ә десе, мә деу керек деп ойлайтынмын. Қазір сондай мінездерімізді біліп алдық», – деп түсіндірді тележүргізуші. 

Ал, кәсіпкер Қайрат Беркінбаевтың әйелі туралы ойы қандай? Экрандағы Ләйлә Сұлтанқызы үйдегі Ләйләден бөлек пе?

«Ләйләнің бір жақсы жері – үнемі күліп жүреді. Үйге күліп келеді, үйден күліп кетеді. Күліп тұрған адамға ұрыса да алмайсың ғой. Ел білетін Ләйлә үйде басқа адам болуы мүмкін емес. Дәл сол қалыпта. Үлкен ұлым да анасы секілді. Мінезі де, өзі де ұқсайды. Күліп тұрады. Кіші ұлым өзіме тартан. Біреуді қорқытардай қабағынан қар жауып жүреді», – дейді кәсіпкер. 

Кәсіпкер Қайрат Беркінбаевты Алматыда «Оқжетпес» емдік-сауықтыру мекемесінің басшысы екені белгілі. Алайда көпшілік алдына жиі шықпайды. Бүгінде Ләйлә Сұлтанқызы екеуінің Сағадат, Сардар есімді ортақ екі ұлы бар. 

stan.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз