Күніне 13 сағат жұмыс істейтін медбике коронавирус жұқтырғандардың азабы туралы айтты — Қазақстан жаңалықтары

Ағылшындардың Саутгемптон қаласындағы ауруханада күніне 13 сағат жұмыс істейтін жас медбике коронавирус жұқтырған науқастардың азабы туралы айтты, деп хабарлайды Stan.kz ақпарат агенттігі.

19 жастағы медицина қызметкері Люси Хатчингстің айтуынша, қалалық ауруханада Covid-19 пневмониясына қарсы науқастарға күтім жасайтын жеке қорғану құралдарының жетіспейді. Сонымен қатар, коронавирусты жұқтырғандар саны қарқынды түрде өсіп жатыр.

«Бізге аурудың терминалды сатысы бар адамдар келіп түседі. Көптеген науқастар өкпені жасанды желдету аппаратына мұқтаж. Жұқтырғандардың көпшілігі 60-тан 90 жасқа дейін», — деп атап өтті ол.

Хатчингс коронавирустық инфекцияға байланысты адамдардың қиналғанын көру оған қиынға соғатынын мойындады. Оның айтуынша, ол жұқтырғандардың көздерінен көп ауырсынуды көреді. 

«Мен қорқамын. Мен жағдай нашарлайды деп ойлаймын. Бұл тек бастамасы сияқты», — дейді қыз.

Люси әріптестерінің барлығы да болып жатқан оқиғалардан қорқатынын, бірақ, сонымен бірге, адамдардың өмірін сақтап қала алатындықтарын мақтан түтатынын атап өтті.

Хатчингс жұмыс істейтін палатада 40 және одан жоғары жастағы пациенттер жатыр. Алайда аурухана қызметкерлері ауруды жұқтырған жастарды қабылдауға дайындық үстінде.  

«Көпшілігі: «Ой, мен жұқтырмаймын, меніде бәрі жақсы болады» деп ойлайды. Осылай ойлаудың қажеті жоқ. Бұл вирус күн сайын жүздеген адамды өлтіреді. Адамдар мұны тезірек түсініп, үйде болған сайын, бәрі тез аяқталады», — деп түсіндірді ол.

Люси үйде болу үлкен қуаныш екенін айтады.

«Мен үйде отырып, дәмді тамақ ішіп, сүйікті істерімді істегім келеді, бірақ мен олай жасай алмаймын. Карантинді бұзған адамдар өзін ақымақ және жауапсыз ұстайды. Мұның бәрі әзіл емес. Биліктің нұсқауларын аса маңызды деп қабылдау керек», — деп жазды Люси Хатчингс.

Оның Facebook-тегі бұл жазбасы көпшіліктің көңілін босатып, ондаған мың лайк жинады.