Коронавирустың салдарынан әлемдік экономика үшін ауыр кезеңдер болжанды — Қазақстан жаңалықтары

Коронавирус пандемиясына байланысты әлемдік экономика үшін ең қиын кезеңдер болжалды. Сарапшылардың ең оптимистік болжамдарына сәйкес, 2020 жылы әлемдік ЖІӨ 4 пайызға немесе 6 трлн долларға қысқарады. Бұл туралы Bloomberg жазады, деп хабарлайды Stan.kz ақпарат агенттігі.

Сарапшылардың пікірінше, 2020 жылы әлемдегі ең дамыған экономикалардың экономикалық көрсеткіштері 1930 жылдардағы Ұлы депрессиядан кейінгі ең нашар жағдай болады, яғни шамамен 100 жылдан кейін. Ең оңтайлы сценарий бойынша АҚШ ЖІӨ 6,4 пайызға, Еуропа 8,1 пайызға, Жапония 4 пайызға төмендейді, ал Қытай тарихтағы ең төмен экономикалық өсімді көрсетеді.

Коронавирустың екінші толқыны жағдайында жаһандық көрсеткіштер әлдеқайда нашар болады, деп агенттік сарапшылары ескертеді. Әлемдік ЖІӨ 5,6 пайызға төмендейді. Егер дағдарысқа қарсы шаралар жеткіліксіз болса, онда төмендеу 7,2 пайызды құрайды. Алайда экономиканың зардап шеккен салаларына қажетті қаржылық көмек көрсететін елдер дағдарыстан тез арада шығуға мүмкіндік алады.

Бұған дейін Oxford Economics экономистері әлемдік ЖІӨ 1,3 пайызға төмендейді, ал шығындар 2020 жылы 1,1 трлн долларға жетуі мүмкін деп болжаған еді. Халықаралық валюта қорының болжамына сәйкес, дүниежүзілік ЖІӨ 2020 жылы 3 пайызға төмендейді.