Коронавирусқа байланысты АҚШ азаматтарына 1000 доллардан үлестеру ұсынылды — Қазақстан жаңалықтары

АҚШ-та коронавирусқа байланысты қаржылық қиыншылақтардан шығу үшін тұрғындардың әрқайсысына 1000 доллардан тарату ұсынылды, деп хабарлайды Stan.kz ақпарат агенттігі. 

Мұндай бастаманы АҚШ-тың республикашылдар партиясының сенаторы Митт Ромни көтерді. 

Сөзінше, бұл жағдай отбасылар мен жұмысшылардың күнделікті тұрмысына жәрдемдесу үшін және мемлекет экономикасының тұтынушылық шығынын арттыру үшін қажет көрінеді. Ол АҚШ конгрессі бұған дейін 2001 және 2008 жылдары осындай шараларды іске асырғанын алға тартты. 

Сондай-ақ сенатор шағын кәсіпкерлер мен студенттерді қолдау үшін грант бөлуді ұсынды.

Еске салайық, бұған дейін коронавирусқа қатысты Гонконг тұрғындарына 1300 доллар ақша табысталатыны жайлы айтылған еді.