Клиент кассадағы қызды ұрып жіберген: Видео желіде қызу талқылануда

0
1002

Әлеуметтік желіде клиенттің кассадағы қызметкерді ұрған видеосы.

Видеода дөрекі мінез көрсеткен клиент қолындағы затпен, кассирді ұрып жібергенін көруге болады. Оқиғаға қатысты қалалық полиция бөлімі тексеру жүргізіп, бұл деректің Алматыда, тіпті Қазақстанда тіркелмегенін анықтады.

«Біз дереу тексере бастадық. Мен қырғызстандық әріптестеріммен хабарластым, олар қазір оқиғаның оларда болғанын растады. 1992 жылы туылған заңбұзушы ұсталып, Бішкектің Октябрь ауданындағы ішкі істер бөліміне жеткізілді. Әріптестер істі тергеп жатыр», – деді Алматы қаласы ПД бастығының орынбасары Рустам Абдрахманов.

24.kg мәліметінше, оқиға 2 тамызда Бішкектегі сауда және ойын-сауық орталықтарының бірінде болған. Белгілі болғандай, мас клиент ойынхана қызметкерлерінің біріне тиіскен.

«Клиенттеріміздің бірі мас болған. Ол сөреге жақындап, кассир қызға жүгінген кезде, ол оған орыс тілінде қызмет көрсеткен. Ол онымен тек қырғыз тілінде сөйлесуді агрессивті түрде талап етті. Қыз қырғыз тіліне көшті, өйткені ол оны жақсы біледі. Бірақ бұл келушіге ұнамады. Ол оған әрнәрсе лақтырып, қорқыта бастады. Бір сәтте сөреден калькуляторды ұстап алып, оның басына лақтырды», – деді ойынхана әкімшісі Тимур Жүнісов.

Полиция шақырылып, арыз жазылды. Дөрекілік көрсеткен ер адам босатылды.

«Жарты сағаттан кейін ол ойын-сауық орталығына оралып, қызметкерлерімізді қорқытып, қорлауын жалғастырды. Ол ешкімнен қорықпайтынын және оның мінез-құлқы үшін ештеңе істей алмайтынын айтты», – деді сұхбат беруші.