“Кешір мені»: Дана Нұржігіт ұлының әкесі Владимир Рерихтың қазасына байланысты естелігімен бөлісіп, қоштасу хатын жазды

Депутат Дана Нұржігіт бұрыңғы күйеуі, ұлы Әлімнің әкесі Владимир Рерих  Ахмадьянұлының өмірден өткенін хабарлады.  Ол күйеуімен келісе алмағандықтан ажырасқанын да айтып өтті. бірақ журналист ол кісіден өмір бойына жетерлік үлкен мектептің тәжірибесін алдым дейді өз сөзінде. Бұл туралы сайты /Kyn.kz жазды.

«Володя,Владимир,Владимир Ахмадьянович Рерих бүгін Берлинде дүниеден озды…

1996 жылы 11 наурызда танысқан өзіңмен 2000 жылдан 15 жыл отастық.
Ұлды болдық. Түсініспеген жерден мен Қазақстанда қалып, сен Германияға кеттің. Бірақ, сен менің тұлға болып қалыптасуыма,маман болып өсуіме,ана болып бала тәрбиесінде неге мән беру керектігіме зор ықпал еттің, ақылшым, сапалылық,даналық, ар,кәсібиліктің биік өлшемі болдың. Парасатың,білімің,шешендік өнерің,зиялылығың ерекше еді.

Желтоқсанда барамыз деп Берлинге билет алғаным жоспарлы сапар болған жоқ,қазан айында өзімнен өзім баланы саған апарғым келді. Соңғы кездесу боларын кім білген,Володя!
Анаң Эмма Александровна, менің аяулы енемнің қасына кеттің…
Балаң өзіңді көріп, биылғы туған күніңмен бірінші болып құттықтағаны соңғы рет екен ғой…

Мына дүниеден тыныштық таппаған,түсіністік таппаған жаның жәннәттан рахат тапсын!

Кешір мені!»,-деп жазды Дана Нұржігіт.

фото: ашықдереккөзден