«Кеше тұрмыс құрды деп қуанып едік»: Алматы облысында 6-қабаттан құлаған қызға қатысты тың дерек шықты (ВИДЕО)
Есірткіге құштар күйеуі оны бірнеше рет ұрған
Ажар екі жыл бұрын сыныптасына тұрмысқа шыққан. Алайда көп ұзамай әпкесіне күйеуінің үнемі зорлық-зомбылық көрсететінін, тұншықтыратынын және есірткі қолданатынын айтып шағымданған.
Анасының айтуынша, күйеу баласы анасымен бірге ішімдікке әуес болған. Қайғылы оқиға болған күні үйде Ажардың күйеуі мен енесі де болған. Күйеуі оның өз еркімен секіргенін айтқанымен, марқұмның туыстары мен достары бұған күмәнмен қарайды.
Құқық қорғау органдары қылмыстық іс қозғап, тергеу амалдарын бастады.
Жас келіншектің артында сәбиі қалды. Желіде оның құрбысының жантүршігерлік видеосы тарады.
«Құрбыңның өз бақытын тауып, тұрмыс құрғанына қуанасын, ал екі жылдан кейін оның қазасында баласын құшақтап қаласын», – деп жазады ол.
