Келер жылдан бастап сәлемдеме мен хаттар ашық күйінде қабылданады

0
187

2019 жылдың 1 қаңтарынан бастап жеке тұлғалар жіберетін барлық тіркелетін пошта жөнелтілімі «Пошта туралы» заңның 39-бабы 2-тармағына сәйкес ашық күйінде қабылданады.

Заңды тұлғалардың хат-хабарлары бұрынғыша ашық және жабық күйінде қабылданады.

Барлық тапсырыс хат, бандероль және құндылығы жарияланған хат, сондай-ақ сәлемдемені пошта байланысы бөлімшесіне ашық күйінде әкеледі. Бұл ретте, пошта операторы пошта жөнелтілімдерін қабылдағанда, жөнелтушіні сәйкестендіруі және оның деректерін тіркеуі керек.

Сонымен қатар, жөнелтуге тыйым салынған заттардың мазмұны үшін сәлемдемелерді тексерудің мүмкін болмауына байланысты поштамат арқылы пошта жөнелтілімдерін қабылдау тоқтатылады. Поштамат арқылы берілген пошта жөнелтілімдерін қабылдау пошта байланысы бөлімшелері арқылы жүзеге асырылады.

Жаңа ереже пошта операторы мен оның қызметкерлерінің денсаулығы мен өмірінің қауіпсіздігін қамтамасыз ету үшін қажет.

«Айқын» ақпарат

Дереккөз: Айқын