Аязды ауа райы жалғасатын өңірлер тізімі

0

«Қазгидромет» РМК синоптиктерінің болжамына қарағанда, елдің кей аймағында тұрақсыз ауа райы сақталады, кей жерде жауын-шашын жауып, көктайғақ күтіледі, жел күшейеді, батыста жаяу бұрқасын болады, ал қалған аймақтарда жауын-шашынсыз аязды ауа райы сақталады. Республиканың кей жерінде тұман сақталады.

Батыс Қазақстан облысының кей жерінде тұман, көктайғақ, жаяу бұрқасын болып, жел 17-22 м/с күшейеді.

Ақтөбе облысының кей жерінде жаяу бұрқасын болып, жел 18 м/с күшейеді.

Маңғыстау, Қызылорда облыстарының кей жерінде тұман, көктайғақ болып, желдің күші 15-20 м/с жетеді.

Қызылорда облысында жолдарда көктайғақ болады.

Түркістан, Атырау облыстарының кей жерінде тұман, көктайғақ болады, күндіз жел 15-20 м/с күшейеді.

Жамбыл облысының кей жерінде тұман күтіледі, жел 15-20 м/с күшейеді.

Алматы облысының кей жерінде тұман, көктайғақ күтіледі.

Шығыс Қазақстан облысының кей жерінде тұман күтіледі.

Түнде Алматы облысының солтүстігінде өте қатты аяз күтіледі, Шығыс Қазақстан облысында, Солтүстік Қазақстан, Павлодар облыстарының кей жерінде қатты аяз күтіледі.














 

Біздің Telegram-парақшамызда Қазақстанның маңызды жаңалықтары. Жазылыңыздар!

Дереккөз: BAQ.KZ