«Кедей болып өстік»: Айнұр Тұрсынбаева байлыққа кенелудің құпиясын бөлісті

Танымал айтыскер ақын, психолог Айнұр Тұрсынбаева  оқырмандарымен ой бөлісіп, бай болудың сырын айтты. Бұл туралы Kznews.kz ақпарат агенттігі хабарлайды.

Психологтың айтуынша, оқырмандары ақшалы болып, кәсіп ашқан адамға сенбейтін көрінеді.

“Өмірді өзгертуге болады десе, сенбейміз. Кедей болып тудық, кедей болып өстік, кедей болып өмір сүре береміз деп ойлаймыз. Бірақ жан тәнімізбен бай болғымыз келеді. Бай болып жатқандардың әрекетін істегіміз келмейді. Сонда бізді байытпай, артқа тартып жатқан кім екен?! Өзіміз ғой, мойындайықшы”, – деп жазды коуч.

Сонымен қатар, психолог адам жасының шектеулі екенін де еске салды.

“Біздің жаман жеріміз, мәңгі өмір сүретіндей жүре береміз. “Спортпен айналысу керек еді”, “Диета ұстау керек еді” деп кейінге шегере беерміз. Біреу жақсылыққа шақырса, алдап жатқандай күдіктенеміз. Ақша тауып жатқандар, алаяқтар сияқты көрінеді. “Отбасымды сақтап қалдым, керемет бақытқа кенелдім” деп біреу жазса, қуанудың орнына, “өзінің танысына жаздырып отыр” деп сенбейміз”, – деп ойын айтты айтыскер ақын.

Фото: https://www.instagram.com/aidyn_nury/

Еске салайық, айтыскер ақын құрбысы Айнұр Көпбасарованың отбасылық құпиясын айтып қойған еді.

Бұған дейін Айнұр Тұрсынбаеваның енесінің көзінше қар күреп, көпшілікті сүйсінткенін жазған едік.

Сондай-ақ, айтыскер ақынның әріптесі Жандарбек Бұлғақов өнер иесін “Айтыстың Мессиі” деп жоғары бағалаған еді.