Кедей әйел құны 140 миллион теңгеден аса тұратын інжу тас тауып алды

Таиландтың кедей тұрғыны базардан түскі асқа теңіз ұлуларын сатып алып, ішінен құны 140 млн теңгеден жоғары тұратын інжу тауып алды.

Қаңтар айының соңында Кодчакорн Тантививаткул түскі асқа теңіз өнімдерін 70 батқа (950 теңге) сатып алған. Ол алған теңіз ұлуларын бөлшектеп, ішінен сары түсті інжу тауып алған. Тайландтық тұрғын басында тас деп ойлаған. Бұл туралы Stan.kz ақпарат агенттігі хабарлайды.

Алайда, әйел олжасын мұқият қарастырғаннан кейін, ол оның салмағы алты грамм және диаметрі 1,5 сантиметр болатын інжу екенін түсінген. Үлкен мело інжу-маржандары 10 миллион батқа дейін (140 миллион теңге) болуы мүмкін.

Тантививаткул ұлулардың сатушысы інжу-маржанды қайтаруды талап етеді деп қорқып, олжасын құпияны сақтап қалды. Дегенмен, тайландтық келіншек оны сатуға шешім қабылдады, өйткені туыстарына шұғыл ақша керек. Әкесі апатқа ұшырап, ал анасына қатерлі ісік диагнозы қойылды. Емдеу үшін миллионнан астам бат (14 миллионтеңге) қажет болады.

Тантививаткул інжуді сатып алушы жақын арада табылады деп үміттенеді.Ол теледидардан адамдардың осындай інжу-маржандарды қалай сатқанын және көп ақша алғанын көргенін айтады.